Обуки кои што ги нуди Аквила
Во денешниот македонски корпоративен амбиент постои несовпаѓање помеѓу понудата и побарувачката на пазарот на работна сила и тоа во:
– квантитет кој резултира со преголема понуда на едни и недостаток на друг вид професионални профили и
– квалитет, односно кадри кои знаат нешто што на фирмите не им треба, а не знаат или не можат нешто што на работодавачите им треба.
На индивидуален план, од друга страна, постои недостаток на желба и мотивација кај новите генерации да се интегрираат во етаблираните, по малку застарените корпоративни модели.
Занимавајќи се подолго време со прашањето за мотивација на вработените, дојдовме до сознание дека еден од малкуте клучни фактори за мотивацијата е чувството за личен напредок. Тоа води до поголема самодоверба, а пак тоа води или до:
- Поголем број на успешни интервјуа за прием на работа (за невработените) или пак
- Подлабока и поефективна интеграција во корпоративното делување и поголеми можности за напредок (за вработените).
Како и да е, колку и да звучи како фраза, сепак, многумина се сложуваат дека инвестиција во себе секогаш се враќа, на еден и друг начин, порано или подоцна.
Корпоративниот свет бара колку што е можно повеќе „готов производ“ кај новите (и постојните) кадри, а формалниот образовен систем тоа не го нуди. Излезот е во обуки кои нудат конкретни, практични и корисни вештини и насоки за сопствено до-образување, најчесто надвор од формалниот систем.